[我有用6]
講到NMO病人開網店/實體店/工作最需要克服的困難，莫過於我們隨時要克服病症帶來的神經痛、麻痺、疲勞和復發風險。
懶理全天侯的病痛, 做好全天侯的工作
講真的，不是誇大，我而家是朝6晚10地做網店工作的。誇張吧？但是真的，沒有誇大。當然，前幾年生意未如此好時，發佈媒體未如此多時，工作時數未至於如此誇張。但而家甚麼都多了，客又麻煩，不過老實講，我招呼卻好了，發佈款式、渠道又多了，工作時間沒有誇張的，就是這樣，日忙夜忙，日做夜做，全天候的去做。
但這病痛也是全天候，一星期7日、全日24小時唔休息的，無時無刻都會痛、攰。那怎麼做？
沒，都是硬頂下去，苦撐過來的。
不可以停頓的網店
例如神經痛，腳麻痺了、癱了、腰沒力了，電腦用唔到，唯有用手機。真的很痛時，試過病發、入院、加藥，便停網頁發佈兩日，只兩日，因為香港人是好善忘的，只要你的店超過兩日沒東西發佈，就會把你忘記，覺得你唔做了，唔再做熟客，唔再緊貼你網店，這就是香港。
所以我唔可以停頓太耐，甚麼發表都沒有的，網店唔可以這樣。無論點辛苦，都要死頂撐下去，隨便都出點甚麼，讓人記住你的店吧！
很累卻決不休息
第二，是好攰。其實NMO病不論是病本身，或食的藥，都是好攰好眼瞓的，根本支持唔到如此大的工作量。
腳痺痛、神經痛時，連瞓覺都瞓唔到，成晚冇瞓，眼光光（當然好痛苦）。但第二日還是要工作。我試過好多次，不然可以點？
唯有堅持！死頂！即使在醫院洗血的日子、插動脈導管的日子，我還是工作、工作、工作，網店唔能夠停。腳點痛，點唔夠瞓，我還是記掛住網店，要出文章，甚麼都好。
十幾粒藥齊聲叫我去睡
例如每日要食Baclofen（鬆弛肌肉的）這藥，其實醫生都講這藥食多了、長期食，是會減力、眼瞓
好眼瞓好眼瞓，我真的好眼瞓，但我唔可以唔食，網店也唔可以唔做，工作還是堅持下來。
還有還有，每日要食10幾粒藥，幾乎每種藥都會帶來睡意。但我可以點？藥要食，工作還是做下來。
人生路上要克服的何其多?
這就是工作，你會堅持嗎？我唔想放棄，我唔想丟低我的店，我唔想做沒用的人，你呢？
我想，人生流流長，你總會碰到要克服的東西
我要克服的何其多? 你亦可能都唔少
不需比較，只要並肩一齊 JUMP JUMP JUMP !!!
我可以，你又怎會不可以?
