19/9 共鳴歌單:

​

1. 為什麼 - 盧業媚

總會問一句點解會咁嘅？

當人生遇到不如意事情，特別係當一個健健康康嘅人遇到突然其來嘅病時，都會想到歌詞所寫:為什麼竟會生病，輾輾反側在床上，病榻中許我一問，怎可永無恙？

2. 命運 - 甄妮

命運總是有安排

當太太確診咗NMO個病後四肢行動唔到，諗番起太太嘅媽媽，喺30年前都患咗個罕有病另到全身癱瘓，但又唔係一個遺傳病，有人話NMO個病比六合彩更難中，咁我哋係好彩定唔好彩，中咗兩次，抑或係命運嘅安排

3. 天變，地變，情不變 - 張學友

婚姻嘅承諾

當知道太太有呢個病，需要長時間去照顧佢，所以我就同太太講，我不會離棄你，一直會照顧你，就算選擇提早退休，我都願意接受，直至你好返，還記得當初我哋結婚嘅時候係聖堂度講過嘅誓詞？無論環境順逆，疾病健康，我將永遠愛慕尊重你，終生不渝

4. 憑著愛 - 蘇芮

人間有愛

太太嘅神經痛都已經痛得好犀利，還可以關心同鼓勵隔離牀嘅病人，佢嘅愛，真係令我欽佩。

 

5. 信自己 - 葉蒨文/杜德偉

我要站起來，只要有信心，一定做得到

康復過程雖然崎嶇，直至有一次治療師嘗試扶太太起身坐喺床邊嘅大班椅，當時嗰一剎那，我真係高興到想喊出嚟，仲同太太講：你得喇，終於可以落地喇!

6. 第一次 - 張國榮

每件事情總有第一次，只要肯做，唔怕挫敗必定會成功

雖然我係一個照顧新手，每日都不斷嘅學習，開始嘅時候總係有甩漏，曾經試過用錯力去照顧太太，整傷咗自己條腰痛手腕，有時令到太太好勞氣，經過一段時間，已經熟習

​

7. 痛 - 許廷鏗

痛，大家一定經歷過，但NMO病人嘅神經痛有幾痛，非病者無法感受到

太太形容生仔係十級痛，但神經痛，比十級更高，可想然之佢承受嘅痛苦有幾多

​

​

8. 心裏的陽光 - 葉蒨文

自從NMO協會成立後，令病友同照顧者唔會覺得自己一個咁孤單，總算大家都係同路人

希望所有NMO病患者心裏面都有一個燦爛嘅陽光

​

​

​