[我有用4]
第一個客竟成了我的朋友 講起這已經做了6年幾的網店，唔可以唔提我第一個顧客。這還記得？
6年幾，其實遇到的客人唔過千都幾百，點解這麼記得這第一個顧客，真的記得？ 記得！因為特別之處是，到今時今日、6年幾後的今天，佢還幫襯住我，是我的客人。誇張的是她已經是我的朋友，唔止是顧客，我們會約出來Tea，一齊食東西傾計。有一次，我們去了酒店High-Tea，好開心，我們傾了好耐。 還有，連她的妹也做了我的朋友、會一齊食東西。（更搞笑連佢媽媽都識我）好誇張！全家都識我！普通朋友都唔會！ 大家的貓做了親戚 更更更匪而所思的是，她的貓做了我的貓（小虎）的表哥（名義上）。對，是表哥。連親戚關係都有了。好奇怪，但好甜蜜！ 點解是表哥？這是因為他們太似樣了，就像親生的、同胎的，簡直一個餅印。所以其實我們最初是想讓牠們認做兄妹的，不過因為小虎沒有兄弟的，講唔通，所以就做了表哥，已經做了6年了。是不是好奇怪？ 跟客人會講心事嗎? 其實我同她，平時買賣時，我們就是普通的店主同顧客，沒有特別。佢沒有折的，佢又唔會講價，看中才買，唔會夾硬幫襯的。 但其他時候，我們會甚麼事都講。最主要是佢知道（最初唔知道，只覺我是普通平常人一個）、清楚我的病，知道甚麼事，知道我有甚麼問題，知道我癱，知道NMO的可怕。你有這樣的朋友嗎？喜又講，悲又講，幾好呀！ 而當我唔舒服時，就會同佢傾訴，例如佢知道我去醫院，佢知道我拮針，知道我洗血，知道我又去做物理治療，知道我在醫院喊，同時卻知道我在醫院感恩，知道我在醫院捱過了兩個幾月，更知道我有幾掛住小虎，甚麼都知道，佢一直支持住我、想幫我。
工作上冇真心朋友？
當初，我開網店只想做生意、賺錢，我沒有想過因此識到朋友，還要唔少。若你問我，我是不相信網緣、網結的，點會識到真心的朋友。但原來真是可以的。 結果，其實除了這個之外，我還識了好多朋友（是以前完全唔識的），他們完全真心愛同關心我同小虎，這是我完全沒想過的。
你相信嗎？你在職場上有朋友嗎？
唔一定是開舖，其實在普通職場上、做嘢的地方，識到真心的朋友好開心。在工作或合作的地方有真正的朋友多珍貴！
雖然NMO好可怕，但朋友令我行得輕鬆點，懼怕都似乎分減了一些。
我第一個顧客(Vicky)親身說：
我同虎媽既相識應該係由2015年開始，那時我都是剛開始養貓，是機緣巧合下，在Facebook 見到小虎雜貨屋Page，由那一刻開始我就定期會同虎媽買東西。
虎媽是一個好好的人，佢好唔同出面開舖的人。
例如，好多次佢一出Post我就即刻搵佢買東西，佢會叫我考慮清楚先，又有一次我唔記得過數給佢，但佢都一樣幫我訂貨，還寄了件貨給我，我那時先醒起自己未付錢。
我們之間就是有一種信任。所以我們亦都慢慢變了做朋友，亦都因為虎媽同小虎的關係，令我認識了其他貓友。
我們的相識，小虎同表哥的相似，我相信都係上天安排的緣份。