1 你或家屬患NMO多久?

發病是2023年7月，NMO當時令我視神經發炎，當時最差嗰幾日兩隻眼嘅視野只剩下正常時嘅一半！😖

2 NMO對你或家屬的生活有什麼影響?

每日要依時食藥，同埋對眼比起以前會較為容易攰。家人就會比以前更小心自己身體，盡量令自己唔感染傷風感冒，以免傳染比我 😅

3 說一個患 NMO 後你改變的習慣

依家每日都盡量會做運動同保持心境開朗、輕鬆 💪💪😊

4 如一天NMO可根治 , 你第一件事想做咩？

毫無顧慮咁去旅行同食嘢

5 當你不開心時, 你會做什麼？

揾人傾訴、瞓覺 😂

6 講一個你的優點或強項 (可講多過一個)

家人同朋友話我有同理心同懂得照顧别人 🫠

7 你覺得NMO最難頂之處是什麼? (只講一件)

復發有可能會隨時發生，令人防不勝防！

8 雖然NMO帶來不少痛苦，但有冇嘢覺得感恩或慶幸?

我好慶幸亦感恩NMO無對我對眼造成大影響，所以無點影響我嘅日常生活。NMO亦令我下定決心要多做運動，其實呢樣對我尤其重要，因為我人已到中年又長期膽固醇超標，之前睡眠質素亦唔好，依家多做運動生活健康咗令我呢啲問題都改善咗唔少，所以我好感恩NMO呢個病竟然對我亦有正面嘅影響，令我可以好積極同樂觀面對呢個病同我嘅整體健康

9 如你碰到一位剛剛確診的NMO病人, 你會跟他說什麼鼓勵話?

我會以自己响呢個病上面嘅經歷同「得着」，話佢知我哋雖然得咗呢個病但亦要努力去尋找呢個病有可能比到我哋嘅正面影響，例如得咗呢個病通常會令人放低好多執着、令人更珍惜同家人相處嘅時間，令人意識到幫自己減壓嘅重要......

10 講一個人生願望

我好希望我同老公老咗之後各自都好有能力照顧到自己同對方，一直互相扶持同相伴到離開世界嗰一日 🙏🙏