1 你或家屬患NMO多久?

2019年3月確診

2 NMO對你或家屬的生活有什麼影響?

NMO對我的生活嚟講，初頭影響比較大，成日都好似冇電咁，後來情況慢慢好轉，穩定番，對生活嚟講就沒有太大嘅影響，只係需要每日服藥。對我家人嚟講，我相信冇乜影響佢哋，佢哋都唔當我有病。

3 說一個患 NMO 後你改變的習慣

其實患 NMO 後，我的習慣沒有什麼改變，反而較早前確診的紅斑狼瘡影響我飲食習慣，食少咗好多魚生，無飲酒（本身沒有飲酒習慣的）。

4 如一天NMO可根治 , 你第一件事想做咩？

如一天NMO可根治 , 真係要感謝天主。

5 當你不開心時, 你會做什麼？

我嘅生活比較平淡，沒有大上大落，亦都冇話有什麼唔開心嘅事情，一切都係隨意而安，瞓醒就當無事發生。唔會放在心內，傷身。

6 講一個你的優點或強項 (可講多過一個)

如上所說，或者這就是我的優點。

7 你覺得NMO最難頂之處是什麼? (只講一件)

nmo對我嚟講最難頂嘅係神經痛。

8 雖然NMO帶來不少痛苦，但有冇嘢覺得感恩或慶幸?

感恩同慶幸的是雖然患上mmo，但nmo沒有對我造成重大嘅傷害。

9 如你碰到一位剛剛確診的NMO病人, 你會跟他說什麼鼓勵話?

我會同佢講：立即加入nmohk協會😂。

10 講一個人生願望

我嘅願望是人人都身體健康。