3/2025
world NMO
awareness month
世界NMO關注月
圖片來源: 香港商業電台網頁
chris
8首精選歌曲
引發你共鳴
1
新牌仔
Gin Lee
雖然我跟NMO扯上關係已經9年, 但在呢個罕見不治之症面前, 誰會自稱是專家? 我仍是一個新牌仔. 今天不如讓我在此, 分享這幾年我在這條罕有路上的所見所聞, 所感所想, 讓你認識我們這班罕見一族多D, 雖然我們罕有, 呢一世你都未必遇到一個NMO病人, 今天就在這個特定時間空間, 在同一天空下, 不同人生路上, 希望有你與我共鳴
3
究竟天有幾高
林子祥
究竟天, 有幾高? 可惜天雖我能望到, 卻是太高觸不到…這幾句歌詞好表達到我們心聲, 我們終於望到外國有新藥出現, 但香港冇得用, 我們遠遠望到但用唔到, 我盼望下次我再有機會上來分享時, 可以同你講, 雖然天好高, 但我們終於觸得到
2
我們都是這樣長大的
鄭秀文
好多病友都會問一個問題: 為何NMO偏偏選中我? 我反而問: 為何NMO沒有選中我嘅? 當然我咁問不是想NMO選中我, 我不是幸做病人, 而是若上天沒有讓NMO選中我, 會否都有目的? 可能就是要我去做一些NMO病友做唔到的野.
4
交义點
夏韶聲
覺得應該做的就去做, 唔好想太多. 因為你永遠唔知道你今天做的呢件事幾年後對某某有幾重要? 你亦都估計唔到, 你今天沒有做的呢件事, 幾年後對某某有幾大影響? 到你知時已太遲.
5
讓一切隨風
鍾鎮濤
心病還需心藥醫. 無論我們對自己講千次萬次不要擔心, 都係控制唔到要去擔心, 因為在未引入新藥前我們仍會有三成人會不斷復發, 我們只是想自己能僥倖不是果三成. 究竟會否復發冇人會知, 連醫生都唔知. 所以在未有新藥用之前, 誰有資格叫我們不需擔心?
7
一雙手
林奕匡
那時的我真 是無知, 叫他不需咁快, 仲有好多時間, 我竟然嫌他快得滯, 點知他寫了10篇後, 對眼已經睇唔到, 連說話都無法講, 在我網頁上他的文章就永遠停留在第10篇, 這是我第一次邀請她投稿, 點知亦是最後一次, 現在的她, 不要說打字, 連跟家人說話溝通都唔得. 我當初以為仲有好多時間, 但原來我們都冇乜時間, 原來有時間唔係理所當然
6
邁步向前
林子祥
雖然你不是NMO一群, 但如果你是罕見病病友, 或者是病友組織發起人, 甚或是一個創業者, 正在徘徊於去馬與不去馬之間, 撐下去定撐唔住之間…想跟你講聲, 你成唔成功, 未必是睇你有幾本事, 而是睇你有幾想去得到你想要的野. 從心而來的力量才是最有威力, 它會帶動你去學到任何需要學的野.
8
天蠶變
關正傑
每次遇到阻礙, 未必是絕路, 仲行到㗎, 只是不能直行, 是轉方向, 上天可能藉此要調較和修正我條路的方向, 但最終的結果可能更美好
如果咁啱你kick 住喺人生路上某個位, 不妨出去走一走, 搵個可以兜圈的公園, 然後認真問自己: “是否真係咁樣就行唔到?” 你想清左後可能會答: 唔係囉. 識答這3個字 ”唔係囉” 你就有機會發掘到另一條路