Search
  • Peggy

誰成就我今天?

[我有用7]


網店的功臣 - 家姐

做一間網店,實在唔容易的,若要做得好,一點都唔易,好難。又要顧及好多事,買貨、問價、查詢⋯⋯太多太多,既要顧買貨,又要賣,還有東有西,談何容易。

我還要有病的、癱的、成日會有事、看病、物理治療、每日早午晚運動等,結果,好多事都做唔到、無辦法做,應付唔到如此多。

好彩,我有個得力助手,幫了我好多好多,替我做了好多事。那就是我的家姐,親生姐姐,我一定要多謝佢、讚佢!

如果唔係佢,我根本做唔到間網店,唔會有這間網店。

其實如沒有佢,唔好話網店,根本甚麼都做唔到。一切一切都是佢!佢令我好似甚麼都得,其實一切佢都有份的。


姊妹情深

佢照顧有NMO、半癱、要插尿喉的我不獨止,已經好辛苦、好多工作的了,佢有份正職之外,還替我打點網店的好多好多。根本就像打兩、三份工,體力、精神消耗量都好大。

首先,佢同我品味好相似。佢睇中想賣的嘢,我大部分都啱;同樣,我鍾意的嘢,佢又認同,所以賣的東西基本上就是那些。我選A,佢好少話B。

所以,網店運作基本上都暢順,賣的東西都一致、同風格。這就是姊妹之間的默契吧?你覺得呢?

(說起來得意,我同佢是同月同日生日的,只是年份唔同)

勞動有家姐

此外,佢替我做了所有勞動的工作,因為我郁唔到,我癱了,我動不了雙腳,佢做了我的腳。包括來貨後拆貨、影相、組織,然後包裝給客、寫信封、去寄貨⋯⋯都是佢做的。

一切一切都是佢做的,你話勞動大唔大?多唔多事情做?但佢毫無怨言。你話偉唔偉大?


計數專員代替數字白痴

加上,佢替我做了所有關於數字、計數的工作。

其實我是文字人,一切以文字為先,識文字。但對數字我是完全0的,毫無認識,連普通的+-x÷我都唔識,計不到,是真的,識我的人都知道我數學有多「利害」。

所以所有關於數字的,都交給佢。包括計成本、定價、入貨數量、拆扣等等。總之,我唔會計數,唔識數字,但凡關於數字的,都是佢做。常左計右計,甚麼都計。

還有還有,佢經常幫我留意有冇漏掉客人回覆,以免少了生意,以免得失客人。


網店的成就不獨歸我

這就成就了這網店,表面上好像我獨自成立、營運了這店。其實如果沒有佢,甚麼都沒有。家姐不只成就了網店,她其實是成就了我!

我找到、遇到這樣趣味相投、無條件幫助我的人,希望你都是,希望你也是幸運的NMO患者,或者未必是你家人,可能是你的朋友,或者是一些不知為何出現在身邊扶你一把的天使,好好珍惜。



珍惜幫過你的人,亦享受比人幫的幸福,因為他們不是出於同情,更多是出自真心的同行,

在這現實世界,能夠碰上一兩個仍有真心想成就你的人,你幸福過中六合彩! 感恩


64 views0 comments

Recent Posts

See All